«Аталанта» марказий ҳимоячиси Онест Аханор Англия Премьер-лигасининг бир нечта клублари қизиқишлар доирасига тушди. Бу ҳақда журналист Николо Скира ўз ижтимоий тармоқларида хабар бермоқда.
Манбага кўра, 17 ёшли футболчи «Ньюкасл», «Ноттингем Форест» ва «Тоттенхэм» клубларининг трансфер мақсадига айланган. Шунингдек, «Наполи» скаутлари ҳам вазиятни диққат билан кузатиб боришмоқда.
Аханор 2024 йилнинг ёзида «Генуя»дан «Аталанта»га кўчиб ўтган эди. Бергамоликлар сафида нигериялик ҳимоячи 23 та ўйинда иштирок этиб, ўз ҳисобига битта гол ёздириб қўйган.
Аханорнинг «Аталанта» билан амалдаги шартномаси 2028 йилнинг ёзига қадар мўлжалланган.
