Англия Премьер-лигаси 27-турининг якуний ўйинида «Манчестер Юнайтед» «Эвертон» устидан ғалаба қозонди — бунинг учун учрашувнинг иккинчи бўлими ўрталарида киритилган ягона гол кифоя қилди. Ушбу гол словениялик ҳужумчи Беньямин Шешко ҳисобига ёзилди.
Шу тариқа, «Манчестер Юнайтед» Англия Премьер-лигасида 2026 йил ҳисобидан ҳали мағлубиятга учрамаган ягона клуб бўлиб қолмоқда. Жамоанинг мағлубиятсиз серияси ўнта ўйинга етди — бу «Манчестер Юнайтед» учун 2021 йилнинг биринчи ярмидан бери қайд этилган энг яхши натижадир. Ўшанда клуб январдан майгача қаторасига 14 та ўйинда мағлубият нималигини билмай келган эди.
