Angliya Premyer-ligasi 27-turining yakuniy o‘yinida «Manchester Yunayted» «Everton» ustidan g‘alaba qozondi — buning uchun uchrashuvning ikkinchi bo‘limi o‘rtalarida kiritilgan yagona gol kifoya qildi. Ushbu gol sloveniyalik hujumchi Benyamin Sheshko hisobiga yozildi.
Shu tariqa, «Manchester Yunayted» Angliya Premyer-ligasida 2026 yil hisobidan hali mag‘lubiyatga uchramagan yagona klub bo‘lib qolmoqda. Jamoaning mag‘lubiyatsiz seriyasi o‘nta o‘yinga yetdi — bu «Manchester Yunayted» uchun 2021 yilning birinchi yarmidan beri qayd etilgan eng yaxshi natijadir. O‘shanda klub yanvardan maygacha qatorasiga 14 ta o‘yinda mag‘lubiyat nimaligini bilmay kelgan edi.
