Инсайдер Фабрицио Романо хабарига кўра, «Бавария» Леннарт Карл билан амалдаги шартномани 2031 йилгача узайтириш ва маошини ошириш бўйича музокараларни давом эттирмоқда. Бу жараёнда Михаэль Баллак (футболчининг вакили сифатида) иштирок этмоқда.

Гарчи 18 ёшли ҳужумкор ярим ҳимоячининг келажакда «Реал Мадрид» сафида тўп тепиш орзуси бўлса-да, у ҳозирда ўз клубида бахтли ва «Бавария» учун ҳеч қачон муаммо туғдиришни истамайди. Карл бор эътиборини ҳозирги жамоасига қаратган.

Transfermarkt порталида 60 миллион еврога баҳоланаётган футболчи жорий мавсумда 31 та ўйинда 7 та гол уриб, 4 та голли узатма амалга оширди.