Ёзги трансфер ойнасида Саудия Арабистони Про-лигаси яна бир нечта юлдузли футболчилар билан бойийди. The Touchline нашрининг хабар беришича, Англия Премьер-лигасининг «икки нафар юлдуз ўйинчиси» фаолиятини ушбу мамлакатда давом эттиришга қарор қилган.
Гап айнан қайси футболчилар ҳақида кетаётганига аниқлик киритилмаган. Бироқ ижтимоий тармоқларда мухлислар улардан бири «Ливерпуль»нинг мисрлик ҳужумчиси Муҳаммад Салоҳ бўлиши мумкинлигини тахмин қилишмоқда.
Шу билан бирга, манба ушбу ўйинчиларнинг Саудия Арабистонига кўчиб ўтиши ҳақидаги расмий эълонлар Жаҳон чемпионати (ЖЧ-2026) бошланишидан аввал берилиши мумкинлигини алоҳида таъкидлаган.
Эслатиб ўтамиз, ҳозирда Саудия Арабистонида Криштиану Роналду ва бошқа кўплаб юқори савияли юлдузлар тўп суришмоқда.
