«Ньюкасл» сафарда «Қорабоғ»ни 6:1 ҳисобида мағлуб этди, натижада жавоб учрашуви шунчаки расмиятчиликка айланиб қолди. Матбуот анжуманида Эдди Хаудан таркибда ротация қилиш-қилмаслиги ҳақида сўрашди.
«Биз таркибни кўриб чиқамиз ва майдонга кучли жамоани туширишга ҳаракат қиламиз. Биринчи мақсадимиз — ғалаба қозониш. Шу билан бирга, яхши ритмни сақлаб қолмоқчимиз. Бу ротация қилиш ва футболчиларнинг тетиклигини таъминлаш ҳамда уларнинг ўйин ритми ва аъло кайфиятини йўқотмаслиги ўртасидаги нозик мувозанатдир», - деди Хау матбуот анжуманида.
«Ньюкасл» ва «Қорабоғ» ўртасидаги жавоб учрашуви Тошкент вақти билан тунги соат 01:00 да бошланади.
