"Реал" устози Альваро Арбелоа ҳужумчи Килиан Мбаппенинг ҳолати ҳақидаги саволга жавоб берди. Йил бошидан бери француз тиззасида ноқулайликни ҳис қилмоқда.
"Мбаппе эртага ўйнашга тайёр, бу эса ҳозир энг муҳими. Сўнгги ҳафталарда у фаол ишламоқда. Буни ҳамма билади, лекин мен унинг саъй-ҳаракатлари ва фидойилигини таъкидламоқчиман. У майдонда бизга ёрдам бермоқда. Бу ўйин натижасини ўзгартира оладиган футболчи. Ҳимоячилар унинг исталган вақтда ўйин тақдирини ҳал қила олишини билишади. У ўйнашга тайёр ва эртага ажойиб ўйин ўтказиши аниқ", - деди Арбелоа журналистларга.
"Реал" 25 февраль куни "Бенфика"ни қабул қилади. Биринчи ўйинда Арбелоа жамоаси Лиссабонда 1:0 ҳисобида ғалаба қозонган.
