«ПСЖ» бош мураббийи Луис Энрике 2025/2026 йилги мавсум Чемпионлар лигаси плей-офф босқичи доирасидаги «Монако»га қарши жавоб учрашуви ҳақида ўз фикрларини билдирди. Биринчи ўйинда парижликлар сафарда 3:2 ҳисобида ғалаба қозонишган эди. Жавоб баҳси эртага, 25 февраль куни Тошкент вақти билан тунги соат 01:00 да бошланади.
«Ушбу учрашув якунига кўра жамоалардан бири мусобақани тарк этади. Ўйин қийин кечади, чунки «Монако» баҳсни бир тўп фарқи билан ортда қолаётган ҳолатда бошлайди. Бизга осон бўлмаслигини тушунишимиз керак. Қийин паллаларга бардош беришимизга тўғри келади. Энг яхши йўл — одатдагидек ҳаракат қилиш ва прессинг қўллашдир. Учрашувни гўёки биринчи ўйиндек ўтказишимиз лозим. Кейинги босқичга чиқишга лойиқ эканимизни исботламоқчимиз», — дея Энрикенинг сўзларини келтирмоқда L'Équipe.
