«PSJ» bosh murabbiyi Luis Enrike 2025/2026 yilgi mavsum Chempionlar ligasi pley-off bosqichi doirasidagi «Monako»ga qarshi javob uchrashuvi haqida o‘z fikrlarini bildirdi. Birinchi o‘yinda parijliklar safarda 3:2 hisobida g‘alaba qozonishgan edi. Javob bahsi ertaga, 25 fevral kuni Toshkent vaqti bilan tungi soat 01:00 da boshlanadi.
«Ushbu uchrashuv yakuniga ko‘ra jamoalardan biri musobaqani tark etadi. O‘yin qiyin kechadi, chunki «Monako» bahsni bir to‘p farqi bilan ortda qolayotgan holatda boshlaydi. Bizga oson bo‘lmasligini tushunishimiz kerak. Qiyin pallalarga bardosh berishimizga to‘g‘ri keladi. Eng yaxshi yo‘l — odatdagidek harakat qilish va pressing qo‘llashdir. Uchrashuvni go‘yoki birinchi o‘yindek o‘tkazishimiz lozim. Keyingi bosqichga chiqishga loyiq ekanimizni isbotlamoqchimiz», — deya Enrikening so‘zlarini keltirmoqda L'Équipe.













