"Манчестер Юнайтед" бош мураббийи Дэвид Мойес жамоанинг трансфер соҳасидаги фаолиятига тўхталиб ўтди. Мутахассиснинг фикрларини Sky Sports эълон қилган.
"Клуб бир нечта ўйинчилар билан музокаралар олиб боряпти ва орқага чекинмоқчи эмас. Трансферларни белгиланган муддатгача амалга оширишга улгурамизми? Шунга умид қиляпман. Бунинг устида кўп иш олиб боряпмиз.
Трансфер мавсуми мен учун оғир ўтяпти, деб бемалол айтишим мумкин. "Манчестер Юнайтед"га 1 июлдангина қўшилган бўлсам, менда ўйинчилар билан яқинроқ танишиш ва бозорни ўрганиш учун вақт кам эди.
Албатта, ёзги трансферлар устида қандай ишлаш кераклигидан хабарим бор. Аммо ўша ўйинчилар билан бирга ишлашга улгурган бўлсанг ва уларни яхши билсанг у ҳолда бу умуман бошқа масалага айланиб қолади", деди Мойес.