Озарбайжоннинг «Қорабоғ» жамоаси 2025/2026 йилги мавсум УЕФА Чемпионлар лигаси плей-офф босқичи доирасида «Ньюкасл Юнайтед»га икки ўйин натижасига кўра 3:9 (1:6, 2:3) ҳисобида имкониятни бой берди ва асосий еврокубок мусобақаси тарихида бир мавсумда энг кўп гол ўтказиб юбориш бўйича антирекорд ўрнатди. Бу ҳақда «Opta Sport» статистика портали хабар бермоқда.

Манбанинг маълумотига кўра, «Қорабоғ» Чемпионлар лигасининг умумий босқичидаги саккизта ўйин ва плей-офф раундидаги иккита баҳсда ўз дарвозасидан жами 30 та тўп олиб чиқди. Бу мусобақа тарихида исталган бошқа жамоанинг бир мавсумдаги кўрсаткичидан кўпдир. Илгари ҳеч қайси жамоа бир мавсум давомида ЕЧЛда бунчалик кўп гол ўтказиб юбормаган эди.

Мусобақанинг 1/8 финалида «Ньюкасл»нинг рақиби «Челси» ёки «Барселона» жамоаларидан бири бўлади.