«Атлетико Мадрид» сафида тўп сураётган 34 ёшли француз ҳужумчиси Антуан Гризманн Испанияни АҚШга алмаштириши мумкин. Бу ҳақда инсайдер Фабрицио Романо ижтимоий тармоқлар орқали хабар бермоқда.
Журналистнинг маълумотларига кўра, «Орландо Сити» юлдузли футболчи билан музокараларга киришган. МЛС клуби Гризманнга уч йиллик меҳнат шартномасини таклиф қилган.
Антуаннинг «матрасчилар» билан амалдаги шартномаси келгуси йилнинг ўрталарига қадар мўлжалланган. Жорий мавсумда ҳужумчи Мадрид жамоаси сафида 22 та ўйинда иштирок этиб, ўз ҳисобига олтита гол ёздириб қўйди. Унинг бозор қиймати 11 миллион еврога баҳоланмоқда.
