34 ёшли Каземиро шу ёзда «Манчестер Юнайтед» билан шартномаси тугагач, МЛСга ўтиш ҳақидаги таклифларни рад этиб, Европада қолишни режалаштирмоқда.

Бразилиялик юлдуз ҳамон юқори даражада ўйнашга қодирлигига ишонади. Унга собиқ жамоадоши Лука Модричнинг ўтган ёзда «Милан»га ўтгани ўрнак бўлиб хизмат қилмоқда ва Италия унинг кейинги манзили бўлиши мумкин.

Жорий мавсумда Каземиро 29 та ўйиндан 24 тасида асосий таркибда майдонга тушиб, 5 та гол уришга муваффақ бўлди.

Аввалроқ Саудия клублари унга қизиқиш билдирган эди, бироқ футболчининг ҳафталик 350 минг фунтлик маоши трансферга тўсқинлик қилган. Чемпионлар лигасининг беш карра ғолиби 2022 йилда «Реал»дан 70 миллион фунт эвазига сотиб олинган эди.