"Монако" бош мураббийи Себастьян Поконьоли Поль Погба март ойида умумий гуруҳда машғулотларга киришишига умид қилмоқда.
"Вазият бироз ойдинлаша бошлади ва умид қиламизки, у терма жамоалар ўйинлари учун кейинги танаффусгача биз билан машғулотларга қайтади ва биз бу танаффусдан фойдаланиб, яхши нарса яратамиз.
Нима бўлганда ҳам, режа шундай ва биз унга амал қила оламиз деб умид қиламиз. У диққатини жамлаган, жамоа учун фойдали, гарчи биз уни камдан-кам кўрсак ҳам. Шундай экан, ҳар кимнинг ўз режаси бор ва унинг ҳолати аниқ белгиланган", - деди Поконьоли.
Погба ўтган йилнинг ёзида допинг туфайли 18 ойлик дисквалификациядан сўнг "Монако" билан шартнома имзолаган эди.
