«Ливерпуль» ва «Барселона» жамоаларининг собиқ ярим ҳимоячиси, 33 ёшли Филиппе Коутиньо МЛСга ўтиш ёки фаолиятини якунлаш вариантларини кўриб чиқмоқда. Бу ҳақда «ESPN Brasil» футболчининг яқинларига таяниб хабар бермоқда.
Аввалроқ, эркин агент мақомида бўлиб турган бразилиялик футболчига Россиянинг ЦСКА клуби қизиқиш билдираётгани ҳақида маълумотлар пайдо бўлган эди.
«ESPN» нашри ЦСКАнинг қизиқишини тасдиқлади, бироқ футболчига яқин бўлган манбанинг таъкидлашича, агар Коутиньо Россия клубининг таклифини қабул қилса, бундан ҳайратда қолишини билдирган.
