«Evening Standard» нашрининг хабарига кўра, «Челси» Премьер-лига доирасидаги «Арсенал»га қарши баҳс олдидан машғулотларга қайтган бўлса-да, Эстевао Виллиан уларда иштирок этмаяпти. Бразилиялик вингер ўтган ҳафта «Бёрнли» билан ўйин олдидан сонининг орқа мушагидан жароҳат олган эди.
Шанба куни жамоа бош мураббийи Лиам Росеньор 18 ёшли футболчининг ҳолати борасида аниқ маълумот бермади ва унинг жароҳати қўшимча текширувга муҳтожлигини таъкидлади.
Мураббий жума куни бўлиб ўтадиган ўйин олди матбуот анжуманида истеъдодли футболчининг соғлиғи борасида батафсил маълумот бериши кутилмоқда.
