Ярим ҳимоячи Мартин Эдегор ёзда "Арсенал"ни тарк этиши мумкин.
Хабарга кўра, норвегиялик футболчи ва "канонирлар" бош мураббийи Микель Артета ўртасидаги муносабатлар кескинлашган. Футболчи сўнгги бир неча ой ичида ўзига берган ваъдаларини бир неча бор бузган Лондон клуби раҳбарияти ва мураббийлар штаби томонидан ўта паст баҳоланганини ҳис қилмоқда.
Энди Эдегор ёзда "Арсенал"ни тарк этишга бел боғлаган. "Бавария" қизиқиш билдираётганига қарамай, норвегиялик "Манчестер Юнайтед"га ўтмоқчи.
Мартин Эдегор 2021 йилда "Реал"дан 35 миллион евро эвазига "Арсенал"га ўтганди. Унинг шартномаси 2028 йилнинг 30 июнига қадар мўлжалланган. Ярим ҳимоячи жорий мавсум "канонирлар" сафида жами 27 та ўйинда майдонга тушди ва 1 та гол ҳамда 7 та голли узатмага муаллифлик қилди.
