Мадриднинг «Реал» клуби бош мураббийи Альваро Арбелоа ярим ҳимоячи Федерико Вальверденинг ўйинига изоҳ берди.

Уругвайлик футболчининг иккита голли узатмаси «қаймоқранглилар»га «Бенфика» устидан ғалаба қозониш (2:1) ва Чемпионлар лигасининг 1/8 финалига чиқишда ёрдам берди.

«Феде мен бу ерга келган илк кунимданоқ ўз даражасини намойиш этиб келмоқда. У — бизнинг етакчимиз, мураббий ғояларини майдонда акс эттирувчи ўйинчи. Вальверде ҳатто ноқулайлик сезса ҳам, доимо ўйнашни хоҳлайдиган ва ҳеч қачон тўхтамайдиган футболчилардан биридир. Мен у билан фахрланаман. Унинг менинг қўл остимда ҳам Анчелотти давридагидек тез-тез гол уриб туришини хоҳлаган бўлардим», — деди Арбелоа матбуот анжуманида.

Ярим ҳимоячи жорий мавсумда «Реал» сафида 36 та ўйинда майдонга тушиб, иккита гол урди ва 12 та голли узатмани амалга оширди.