Швециялик собиқ ҳужумчи Златан Ибрагимович ўзининг бой фаолияти давомида тўп тепган Европанинг учта топ-чемпионати ўртасидаги фарқларни маълум қилди.

"Ла Лигада футбол ўйнашга ҳаракат қилишади. Улар ўйинни ҳимоядан бошлаб қуришга интилишади. Ҳатто аутсайдер жамоалар ҳам шундай тактикага амал қилади. АПЛда эса доимий ҳужумлар ва қарши ҳужумлар кузатилади. Агар сиз техник жиҳатдан кучли ўйинчи бўлсангиз ҳам, бу темпга бардош бера олмаслигингиз мумкин. Италияда футбол — энг аввало тактика демакдир, бу ерда ҳамма нарса майда-чуйдасигача ўйлаб чиқилади. Ҳимоя ҳужумдан кўра муҳимроқ", — дея Златаннинг сўзларидан иқтибос келтиради ESPN UK.

Эслатиб ўтамиз, Златан ўз фаолиятини 2023 йилда "Милан" клубида якунлаган эди. Фаолияти давомида у "Мальмё", "Ювентус", "Интер", "Барселона", "ПСЖ", "Манчестер Юнайтед" ва "Лос-Анджелес Гэлакси" каби жамоаларда тўп тепишга улгурган.