Сешанба ва чоршанба кунлари Чемпионлар лигасининг плей-офф босқичи саралаш раундининг жавоб ўйинлари бўлиб ўтди. Ушбу ўйинлар натижаларига кўра, "Атлетико" ҳужумчиси Александр Сёрлот ҳафтанинг энг яхши футболчиси деб топилди. Бу ҳақда УЕФА матбуот хизмати хабар бермоқда.
Сешанба куни "Атлетико" ўз майдонида "Брюгге" жамоасини 4:1 ҳисобида мағлубиятга учратди. Александр Сёрлот ушбу баҳсда хет-трик қайд этди. "Атлетико" 1/8 финалга йўл олди ва у ерда аниқ Англия жамоасига қарши майдонга тушади. Гап шундаки, "матрасчилар" ё "Ливерпуль", ёки "Тоттенхэм" билан тўқнаш келишади. Қуръа ташлаш маросими эртага, 27 февраль куни бўлиб ўтади.
Қўшимча қилиш жоизки, Ла Лига турнир жадвалида "Атлетико" айни дамда тўртинчи ўринда бормоқда.
