Мадриднинг "Реал" клуби ярим ҳимоячиси Арда Гюлер жамоа сафидаги ўзининг 100-ўйинини ўтказди. Бу воқеа Чемпионлар лигаси плей-офф босқичининг саралаш раунди доирасидаги "Бенфика"га қарши жавоб учрашувида (2:1) юз берди. AS нашрининг хабар беришича, ушбу натижа туфайли Гюлер ўзининг собиқ клуби "Фенербахче"га 2 миллион евро миқдорида даромад келтирди.
Мадрид клуби сафида 100 та ўйин чегарасига етиш шартномадаги махсус бандни фаоллаштирди, унга кўра "қаймоқранглилар" футболчининг собиқ жамоасига белгиланган бонусни тўлаши шарт. Агар туркиялик футболчи "Реал" учун яна 25 та ўйинда майдонга тушса, бу сумма яна 2 миллион еврога кўпаяди.
Гюлер 2023 йилнинг ёзида "Фенербахче"дан "Реал"га ўтган эди. Жорий мавсумда футболчи барча турнирларда 39 та ўйинда иштирок этиб, 3 та гол урди ва 12 та голли узатмани амалга оширди.
