«Барселона» бош мураббийи Ханс-Дитер Флик жамоанинг ўйин услуби ҳақида фикр билдирди.

«Ҳамма худди Хосеп Гвардиола каби ёки ўз вақтида Йохан Кройфф кўрсатгандек ўйнашни хоҳлайди. Бу мен ўз фаолиятимнинг бошида ўрганган нарсалардир. Футболчилик ва мураббийлик фаолиятим давомида биз доимо «Барселона»га ва унинг қандай ўйнашига эътибор қаратганмиз. Бу биз учун ушбу фалсафа билан бирга ривожланиш ва ўсиш борасида яхши намуна бўлган», — деди Флик «Барселона» клуб телеканалига берган интервьюсида.

Ханс-Дитер Флик ҳозиргача «Барселона» бошқарувида 99 та ўйин ўтказди. Испания Ла Лигаси доирасидаги «Вильярреал»га қарши бўлажак баҳс у учун юбилей — 100-учрашувга айланади. Ўйин шанба куни, 28 февраль куни бўлиб ўтади. Учрашув Тошкент вақти билан соат 20:15 да бошланади.