«Ливерпуль» бош мураббийи Арне Слот жамоанинг ривожланиши ҳақида гапирди.
«Биз уч-тўрт ой олдинги ҳолатимизга қараганда анча яхшиландик. Гарчи ўшанда ҳам ҳамма нарса ёмон бўлган, деб ҳисобламаган бўлсам-да. Прогресс кузатилаётганининг сабаби шундаки, ёзда жамоага келиб қўшилган ва мавсумолди тайёргарликни ўтказиб юборган футболчилар ниҳоят ҳафтасига уч марта ўйнаш тизимига мослашишди. Уларга бунга кўникиш учун вақт керак эди», — дея Слотнинг сўзларидан иқтибос келтиради «The Touchline» нашри «Viaplay»га таяниб.
Шанба куни, 28 февраль куни «Ливерпуль» Англия чемпионати доирасида ўз майдонида «Вест Хэм»ни қабул қилади.
