Англиянинг «Брентфорд» клуби ўз расмий сайтида бош мураббий билан шартнома узайтирилгани ҳақида эълон жойлаштирди. Кит Эндрюс 2032 йилнинг ёзигача амал қиладиган меҳнат шартномасига имзо чекди.
«Брентфорд» жорий мавсумни ажойиб ўтказмоқда ва айни дамда Англия Премьер-лигаси турнир жадвалида еттинчи ўринни эгаллаб турибди. Эндрюс жамоани ўтган ёзда қабул қилиб олган эди. Бунгача у «Брентфорд»да Томас Франк штабида фаолият юритган.
Премьер-лиганинг навбатдаги учрашувини «Брентфорд» шанба куни, 28 февраль куни ўтказади. Жамоа сафарда «Бёрнли»га қарши майдонга тушади. Ўйин Тошкент вақти билан соат 20:00 да бошланади.
