«Болонья» вингери Риккардо Орсолини «Барселона»нинг қизиқишлар доирасига тушди. Бу ҳақда Испания ОАВлари хабар бермоқда.
Каталония клуби ёзда Ламин Ямалнинг иш юкламасини камайтириш учун тажрибали ўнг қанот ҳужумчиси билан шартнома имзоламоқчи. Ямалнинг ёши ва жорий мавсумда майдонда жуда кўп вақт ўтказаётганини инобатга олиб, агар юкламалар қатъий назорат қилинмаса, футболчининг жароҳат олиш хавфи ортишидан клуб хавотирга тушмоқда.
«Кўк-анорранглилар» 29 ёшли Орсолинининг трансфери вариантини кўриб чиқмоқдалар. Улар италиялик футболчини ушбу рол учун идеал номзод деб ҳисоблашади.
