Ҳужумчи Николас Жексон «Бавария»даги келажаги борасида бир қарорга келди. Футболчи, ҳатто клуб уни олиб қолмоқчи бўлган тақдирда ҳам, Мюнхенда қолишни истамаяпти.
Жексон жамоадаги ҳолатидан норози. Шунингдек, у «Бавария» жамоасига мослашиб кета олмади. Футболчи мавсум охиригача мўлжалланган ижара муддати тугагач, тезроқ «Челси»га қайтишни кутмоқда.
Аввалроқ «Бавария» ҳам Жексонни сотиб олиш иштиёқида эмаслиги ҳақида хабар берилган эди. Бироқ у «Челси»га ҳам керак эмас. Лондонликлар ҳужумчи учун бошқа жамоа топиш вариантларини кўриб чиқишади.
