17 август куни "Пахтакор" стадионига "Олмалиқ" ташриф буюради. Ҳар икки жамоа таркибида барча етакчи футболчилар майдонга тушиш имкониятига эга.

Ҳозиргача жамоалар олий лигада 11 бор тўқнаш келиб, 8 беллашувда "Пахтакор", 2 ўйинда "Олмалиқ" ғалаба қозонган. Бир баҳс дуранг билан якунланган. Тўп киритиш борасида устунлик тошкентликлар тарафида, 17:5. Биринчи даврада Олмалиқда ўтган беллашувда Зоҳир Пиримов урган гол мезбонларга ютуқ келтирганди.

Ёшлар таркиблари ўйини 16 август куни соат 17:00да Қибрайдаги база стадионда бошланади. Асосий жамоалар беллашуви 17 август, шанба куни "Пахтакор" Марказий стадионида соат 19:00да старт олади. Барча мухлисларга эса стадионга таклиф этиб қоламиз.

"ПАХТАКОР" - "ОЛМАЛИҚ". 19:00
Ҳакамлар: Р.Эрматов (Тошкент), А.Расулов (Тошкент), Ж.Саидов (Тошкент), И.Худойдотов (Тошкент)
Назоратчи: И.Шарипов (Бухоро).