Франция терма жамоаси билан жаҳон чемпиони бўлган Нголо Канте орадан қарийб уч йил ўтиб, яна Англия майдонларига қайтди. Эслатиб ўтамиз, у илгари ушбу мамлакатда «Лестер» ва «Челси» шарафини ҳимоя қилган эди.
Бу воқеа Европа лигаси доирасидаги баҳсда юз берди. Кантенинг ҳозирги жамоаси — «Фенербахче» сафарда «Ноттингем Форест» устидан ғалаба қозонган бўлса-да, биринчи ўйиндаги муваффақиятсиз натижа туфайли турнирнинг кейинги босқичига чиқа олмади. Шу тариқа, Канте учун жорий еврокубок мавсуми якунига етди.
Маълумот учун, франциялик ярим ҳимоячи Англиядаги охирги расмий ўйинини 2023 йилнинг май ойида ўтказган эди. Ўшанда «Челси» АПЛ доирасида «Борнмут»ни 3:1 ҳисобида мағлуб этганди.
