"Бавария" бош мураббийи Венсан Компани жамоа дарвозабони Мануэль Нойер Дортмунднинг "Боруссия" клубига қарши бўладиган навбатдаги ўйинда майдонга туша олиши ёки йўқлиги ҳақида ўз фикрлари билан ўртоқлашди.
Аввалроқ 39 ёшли германиялик посбон жароҳати сабабли "Айнтрахт"га қарши учрашувни (3:2) ўтказиб юборган эди.
"Ману билан боғлиқ вазият ёмон кўринмаяпти. Биз у узоқроқ муддатга сафдан чиқади деб ўйлаган эдик. Эҳтимол, у бугун биз билан машғулот ўтказар, кейин эса вазиятга қараймиз. Мен у билан яна бир бор гаплашиб олмоқчиман", — дея Компанининг сўзларини Bayern & Germany нашри келтирмоқда.
Мутахассиснинг таъкидлашича, агар Нойер майдонга туша олмаса, унинг ўрнини сўнгги ўйинларда ўзини кўрсата олган Урбиг эгаллайди.
