Мадриднинг "Реал" клуби ҳали ҳам "Манчестер Сити" футболчиси Родрини ўз сафига қўшиб олишга қизиқиш билдирмоқда. Трансфер келаётган ёзда амалга ошиши мумкин.
Инсайдер Рамон Альвареснинг таъкидлашича, "Реал" "шаҳарликлар" ярим ҳимоячисининг трансфери учун махсус бюджет ажратган. "Қаймоқранглилар" Родри учун 50 миллион евро тўлашга тайёр.
Қайд этилишича, агар футболчининг соғлиғида муаммолар бўлмаса, "Реал" "Сити" етакчиси бўйича расмий таклиф билан чиқади. Эслатиб ўтамиз, аввалроқ Родри жароҳати сабабли тахминан ярим йилни ўтказиб юборган эди.
