Ушбу мавсумда умумий босқич доирасида ўзаро ўйин ўтказган (1:2) "қаймоқранглилар" ва "шаҳарликлар" сўнгги етти мавсум ичида олтинчи бор ЧЛ плей-офф босқичида бир-бирларига қарши майдонга тушишади.
2020 йилда "Сити" "Мадрид"ни 1/8 финалда мусобақадан чиқариб юборган (2:1, 2:1), 2022 йилда ярим финалда "Реал" ғалаба қозонган (3:4, 3:1), 2023 йилда ҳам ярим финалда АПЛ клуби кучлироқ чиққан (1:1, 4:0), 2024 йилда 1/4 финалда испанияликлар кейинги босқичга йўл олишган (3:3, 1:1, пенальтилар сериясида – 4:3), 2025 йилда эса "Реал" зафар қучган (3:2, 3:1).
Қайд этиш лозимки, жамоалар 2016 йилги ярим финалда ҳам ўзаро тўқнаш келишган — ўшанда "Реал" кейинги босқичга чиққан (0:0, 1:0). 2012 йилда эса гуруҳ босқичида иккита ўйин ўтказилган — "Реал" фойдасига 3:2 ва 1:1 ҳисоби қайд этилган.
