Англиянинг "Манчестер Юнайтед" клуби 27 ёшли сенегаллик ярим ҳимоячи Пап Гейе билан шартнома имзолаш имкониятини кўриб чиқмоқда. Бу ҳақда "Foot Mercato" нашри хабар бермоқда.
Сенегаллик футболчи Африка Миллатлар Кубоги финалида Марокаш дарвозасига ғалаба тўпини киритганидан сўнг топ-клубларнинг эътиборини янада кўпроқ тортди. "МЮ" раҳбарияти Гейени мавсум якунланганидан кейин жамоани тарк этадиган Каземиронинг ўрнини босишга қодир деб ҳисобламоқда.
Пап Гейе 2024 йилдан буён "Марсель"дан ўтганидан сўнг Испаниянинг "Вильярреал" жамоасида ўйнаб келмоқда. У ушбу мавсумда клуб сафида 28 та ўйинда майдонга тушиб, 3 та гол урди ва 1 та голли узатмани амалга оширди.
