«Барселона» ҳимоячиси, каталонияликлар клубида «Жерар Мальдини» лақабини олган Жерар Мартин ижтимоий тармоқдаги саҳифасида Италия терма жамоаси собиқ ҳимоячиси Паоло Мальдини дастхати туширилган футболка суратини жойлаштирди.
«Жерарга энг эзгу тилаклар билан, туғилган кунинг муборак бўлсин ва фаолиятингда омад тилайман. Меҳр билан, Паоло Мальдини», — деб ёзилган футболка устига.
24 ёшли испаниялик футболчи жорий мавсумда «Барселона»нинг асосий таркибидан мустаҳкам ўрин эгаллади. У барча турнирларда жами 35 та ўйинда майдонга тушди.
