"Интер Майами" футбол клуби МЛС Кубогидаги ғалабаси муносабати билан пайшанба куни, 5 мартда Оқ уйга ташриф буюради, деб хабар бермоқда "The Athletic". Жамоа ўтган йилнинг ноябрь ойида "Ванкувер" устидан ғалаба қозониб, кубокни қўлга киритган эди. Бу клубнинг 2020 йилда лигага қўшилганидан бери илк чемпионлиги ҳисобланади.

Манба берган маълумотларга кўра, ҳозирда жароҳат олган "фламинголар" ҳужумчиси Лионель Мессининг ушбу тадбирда иштирок эта олиши ҳозирча номаълум. Агар у келса, бу Мессининг Оқ уйга илк ташрифи бўлади, чунки 2025 йилнинг январида у мамлакатнинг собиқ президенти Жо Байдендан президентлик медалини қабул қилиб олиш маросимида қатнаша олмаган эди.

Шу ҳафтада 2026 йилги Олимпия ўйинларида олтин медалларни қўлга киритган АҚШ хоккей терма жамоаси ҳам Оқ уйда меҳмон бўлди.

38 ёшли Месси клубга 2023 йилнинг ёзида келиб қўшилган эди. Ўтган йилнинг октябрь ойида у клуб билан шартномасини 2028 йилгача узайтирди.