"Вулверхэмптон" Англия чемпионатининг 28-тури илк ўйинидаёқ сенсация қайд этди — "бўрилар" "Астон Вилла" дарвозасига иккита тўп киритиб, зафар қучишди. "Вулверхэмптон" дарвозабони Жозе Са жамоаси мавсум бошидан бери бундай ўйин кўрсатмаганидан афсусда.
"Ҳар бир футболчимиз майдонда ажойиб ишни бажарди. Мухлислар ҳам шундай. Улар учун дербидаги ғалаба — алоҳида муваффақият. Биз курашишда давом этамиз, лекин мавсум бошидан бери шундай ўйнамаганимиз ачинарли. Ҳаммаси бутунлай бошқача бўлиши мумкин эди", — дея Санинг сўзларидан иқтибос келтиради "BBC Sport".
