Хабарингиз бор, 27 февраль куни мамлакатимизда Суперлига чемпионатига старт берилди. Ушбу мавсумда Исломбек Исмоилов бош мураббийлигида майдонга ҳаракатланадиган «Нефтчи» биринчи тур беллашувини Фарғонадаги муҳташам «Истиқлол» марказий ўйингоҳида Муборакнинг «Машъал» клубини қабул қилади.

Статистик маълумот: «Машъал» жамоаси билан «Нефтчи» Ўзбекистон Суперлигаси доирасида 36 марта куч синашган. Булардан 23 та ўйинда «Нефтчи» ғалаба қозонган, иккита баҳсда жамоалар муроса кўчасини танлашган ва 11 та баҳсда «Машъал»нинг қўли баланд келган. Киритилган ва ўтказиб юборилган тўплар нисбати 69-36, фарғоналиклар фойдасига.

Энг йирик ғалабалар:

29.07.1995. «Нефтчи»-«Машъал» 7:0
22.09.2012. «Машъал»-«Нефтчи» 3:0

Жамоаларнинг Фарғонада бўлиб ўтган сўнгги беш учрашув натижалари:

21.08.2025. «Нефтчи»-«Машъал» 3:0
19.11.2017. «Нефтчи»-«Машъал» 2:1
09.09.2016. «Нефтчи»-«Машъал» 1:2
18.04.2015. «Нефтчи»-«Машъал» 1:0
26.04.2014. «Нефтчи»-«Машъал» 0:0

Эслатиб ўтамиз, «Истиқлол» марказий ўйингоҳидаги Суперлиганинг очилиш учрашувини Аҳрол Рисқуллаев бошчилигидаги ҳакамлар гуруҳи бошқариб боради. Бошланиш вақти 18:45 да.

«Нефтчи» ПФК матбуот хизмати