Машҳур "WhoScored" статистик портали Англия Премьер-лигасининг жорий мавсумида голли вазиятлардан фойдаланиш бўйича энг яхши кўрсаткичга эга футболчилар рейтингини тақдим этди.
Биринчи ўринни "Брентфорд" ҳужумчиси Игор Тьяго эгаллаб турибди — унинг зарбаларининг 27 фоизи гол билан якунланган. Иккинчи поғонада "Арсенал" аъзоси Виктор Дьёкереш (24%) қайд этилган. Кучли учликни чемпионат тўпурари, "Манчестер Сити" ҳужумчиси Эрлинг Холанд ва "Челси" вакили Жоао Педро якунлаб беришган (ҳар иккисида 23%).
Бешинчи ўрин январда "Борнмут"дан "Манчестер Сити"га ўтган Антуан Семеньога (21%) тегишли. Таъкидлаш жоизки, ушбу рўйхатга фақат мавсум давомида дарвоза томон камида 40 марта зарба йўллаган футболчилар киритилган.
