Mashhur "WhoScored" statistik portali Angliya Premyer-ligasining joriy mavsumida golli vaziyatlardan foydalanish bo‘yicha eng yaxshi ko‘rsatkichga ega futbolchilar reytingini taqdim etdi.
Birinchi o‘rinni "Brentford" hujumchisi Igor Tyago egallab turibdi — uning zarbalarining 27 foizi gol bilan yakunlangan. Ikkinchi pog‘onada "Arsenal" a’zosi Viktor Dyokeresh (24%) qayd etilgan. Kuchli uchlikni chempionat to‘purari, "Manchester Siti" hujumchisi Erling Xoland va "Chelsi" vakili Joao Pedro yakunlab berishgan (har ikkisida 23%).
Beshinchi o‘rin yanvarda "Bornmut"dan "Manchester Siti"ga o‘tgan Antuan Semenyoga (21%) tegishli. Ta’kidlash joizki, ushbu ro‘yxatga faqat mavsum davomida darvoza tomon kamida 40 marta zarba yo‘llagan futbolchilar kiritilgan.













