Энцо Мареска деярли икки ойдан бери ишсиз юрибди — у айнан 1 январь куни "Челси" бош мураббийи лавозимидан бўшатилган эди. Ҳозирда Чемпионшип доирасида "Лестер" ва "Норвич" жамоалари ўртасида ўйин бўлиб ўтмоқда. Мареска стадионда бўлиб турибди — тегишли фотосуратлар ижтимоий тармоқларда пайдо бўлди.
Бундан аввал матбуотда Маресканинг "Лестер" бошқарувига қайтиши мумкинлиги ҳақида маълумотлар тарқалган эди. Жамоа ҳозирда қийин даврни бошдан кечирмоқда — Чемпионшипда 22-ўринни эгаллаб турибди, яъни хавфли ҳудудда (қуйи лигага тушиб кетиш зонасида) жойлашган.
Энцо Мареска 2023/2024 йилги мавсумда "Лестер" бош мураббийи бўлган эди. Ўшанда "тулкилар" Чемпионшипда ғолиб чиқиб, АПЛга йўл олишганди.
