Янги мавсумнинг илк турида "Динамо" ва "Навбаҳор" жамоалари ўртасидаги баҳс марказий ўйинлардан бири сифатида кутилган эди. Учрашув стартидан сўнг стадионга келган мухлислар зерикиб қолишмади.
Ўйиннинг илк дақиқалариданоқ мезбонлар ҳужумга ташланди.
-
4-дақиқа: Азизбек Амоновнинг узатмасидан сўнг Фирдавс Абдураҳмонов ҳисобни очди ва самарқандлик мухлисларни хушнуд этди — 1:0.
-
11-дақиқа: Кўп ўтмай наманганликлар мувозанатни тиклашди. Белгиланган пенальтини Русланбек Жиянов бехато амалга оширди — 1:1.
-
25-дақиқа: "Навбаҳор"нинг кетма-кет ҳужумлари ўз самарасини берди. Забиҳилло Ўринбоев рақиб дарвозасини ишғол қилиб, меҳмонларни олдинга олиб чиқди — 1:2.
Ўзбекистон Суперлигаси. 1-тур
28.02.2026 | 19:15
«Динамо» марказий стадиони, Самарқанд
«ДИНАМО» — «НАВБАҲОР» — 1:2
Голлар: Фирдавс Абдураҳмонов 4 (1:0), Руслан Жиянов 11 - пенальтидан (1:1), Забиҳилло Ўринбоев 25 (1:2).
«Динамо»: Эдем Неманов, Маҳамаду Дембеле, Жаҳонгир Ўрозов, Санжар Қодирқулов (Салим Мустафаев, 56), Азизбек Амонов (Улуғбек Ҳошимов, 72), Анваржон Ҳожимирзаев (Бектемир Абдуманнонов, 72), Жалолиддин Жумабоев, Жаҳонгирбек Абдусаломов, Фирдавс Абдураҳмонов, Кингслей Сарфо (Драмане Салоу, 56), Тил Мавретич (Нурилло Тўхтасинов, 56).
«Навбаҳор»: Ўткир Юсупов, Саидазамат Мирсаидов, Шохруҳбек Абдураҳмонов, Русланбек Жиянов, Забиҳилло Ўринбоев, Муҳаммадали Ғиёсов (Шоҳмалик Комилов, 72), Қувондиқ Рўзиев, Умар Адҳамзода (Дилшод Комилов, 72), Ваня Илич, Гиорги Жгерания, Анри Чичинадзе.
Огоҳлантириш: Улуғбек Ҳошимов (79).
