Италия чемпионатида 27-тур ўйинлари бўлиб ўтди. Мамлакатнинг амалдаги чемпиони "Наполи" "Верона" билан куч синашди ва сўнгги дақиқаларда аутсайдер жамоадан ғалабани тортиб олди.
Бу ишни иккинчи бўлимда захирадан майдонга тушган Ромелу Лукаку амалга оширди. Маълум бўлишича, бельгиялик ҳужумчи учун бу 281 кун ичида киритилган илк гол бўлди. Эслатиб ўтамиз, у жорий мавсумнинг катта қисмини жароҳати сабабли ўтказиб юборган эди.
Лукаку охирги марта ўтган мавсумнинг 2025 йил 23 май куни "Кальяри"га қарши ўйинида гол урган эди. Бельгиялик форвард учун бундай катта танаффус унинг бутун фаолиятидаги энг узоқ давом этган "голсиз серия" бўлди.
