Чехия терма жамоасининг собиқ дарвозабони Петр Чех спортнинг бошқа турига бўлган қизиқиши билан боғлиқ мавзуда интервью берди. Футболчилик фаолиятини якунлаганидан сўнг, у Буюк Британия хоккей чемпионатининг бир қатор клубларида ҳаракат қилди.

"Футболга 20 йил умримни бағишлаганимдан сўнг, спортнинг бу томонини ҳис қилиш мен учун ҳайратланарли бўлди. Худди шу ишни бошқа спорт турида такрорлаш имкониятига эга бўлиш — бу қандайдир телбалик. Ушбу чақирув ҳаяжонли ва қизиқарлидир", — дея Чехнинг сўзларини келтиради "The Telegraph".

"Мен АПЛда ўйнаган пайтларимдаги каби ҳаяжонни ҳис қиляпман. Албатта, бу ерда тикилган нарса (соврин ёки масъулият) у қадар катта эмас. Шунга қарамай, мен шу ердаман, шуғулланяпман ва ўйнаяпман. Қилаётган ишимни энг яхши тарзда бажаришни истайман", — дея қўшимча қилди у.

Дарвозабон "Челси" таркибидаги иштирокидан ташқари, Лондоннинг "Арсенал", "Ренн" ва Праганинг "Спарта" клубларидаги ўйинлари билан ҳам машҳур.