Қатар футбол ассоциацияси Яқин Шарқдаги вазият кескинлашгани сабабли мамлакатдаги барча мусобақалар тўхтатилганини эълон қилди. Тегишли хабар ташкилотнинг X ижтимоий тармоғидаги саҳифасида эълон қилинди.
Турнирлар номаълум муддатга тўхтатилган. Уларнинг қайта тикланиш санаси кейинроқ маълум қилинади.
28 февраль куни Исроил ва АҚШ Эронга қарши ҳарбий операция бошлади. Республиканинг йирик шаҳарлари, жумладан, Теҳрон зарбалар остида қолди. Ислом инқилоби қўриқчилари корпуси (ИИҚК) жавоб операцияси ўтказилаётгани ҳақида хабар берди. Mehr агентлигининг маълумотларига кўра, АҚШнинг Баҳрайн, Иордания, Қатар, Қувайт, БАА ва Саудия Арабистонидаги ҳарбий базалари ҳужумга учраган. Минтақадаги бир қатор давлатлар ҳаво ҳудудини ёпди.
Аввалроқ, Яқин Шарқдаги вазият туфайли Осиё Чемпионлар лигасининг Ғарбий минтақасида 2 ва 3 март кунларига режалаштирилган ўйинлари қолдирилгани хабар қилинган эди.
