Англиянинг "Ливерпуль" клуби 25 ёшли бразилиялик ҳужумчи Родриго Гоэс билан шартнома имзолаш имкониятини кўриб чиқмоқда. Бу ҳақда футбол инсайдери Экрем Конур ёзмоқда.
Журналистнинг таъкидлашича, "Ливерпуль" Родриго мисрлик форвард Муҳаммад Салоҳнинг ўрнини боса олишига ишонмоқда. Оммавий ахборот воситаларининг хабар беришича, мисрлик футболчи катта эҳтимол билан ёзда жамоани тарк этади.
Родриго 2019 йилда "Сантос"дан ўтганидан бери "Реал" шарафини ҳимоя қилиб келмоқда. Жорий мавсумда у клуб сафида 26 та ўйинда майдонга тушиб, 3 та гол урди ва 4 та голли узатмани амалга оширди.
