Мадриднинг "Реал" клуби бош мураббийи Альваро Арбелоа "Барселона" иштирокидаги ўйинларни томоша қилиш-қилмаслиги ҳақидаги саволга жавоб берди.
— Мен имкон туғилиши билан Испания чемпионатининг барча ўйинларини кузатиб бораман, — дея таъкидлади Арбелоа журналистларга.
Арбелоа жорий йилнинг январь ойида Хаби Алонсонинг ўрнини эгаллаб, "Реал" бош мураббийи этиб тайинланган эди.
25 та ўйиндан сўнг "Реал" Испания Ла Лигаси турнир жадвалида 60 очко билан иккинчи ўринни эгаллаб турибди. Пешқадам "Барселона"дан фарқ тўрт очкони ташкил этади, бироқ "қаймоқранглилар" ҳисобида битта захира ўйини мавжуд.
2 март куни "Реал" ўз майдонида "Хетафе"ни қабул қилади. Учрашув Тошкент вақти билан тунги соат 01:00 да (сешанбага ўтар кечаси) бошланиши режалаштирилган.













