Бразилия терма жамоаси ҳужумчиси Родриго Неймар ҳақида ўз фикрларини билдирди. "Реал" форвардининг фикрича, Неймар бўлажак жаҳон чемпионатида "селесао"га жуда зарур.
"Неймар жаҳон чемпионатидами? Менимча, бу ерда ҳатто муҳокама қилишга ҳожат йўқ. Биз унинг ўз формаси устида ишлаётганини биламиз, лекин уни қайдномадан ташқарида қолдиришнинг заррача имкони йўқ. Усиз ҳаммаси бунчалик қизиқ бўлмасди. Бизга Неймар керак", — дея Родригонинг сўзларини келтиради "The Touchline".
Бразилия терма жамоаси тарихда беш марта жаҳон чемпионатида ғолиб чиққан. Охирги марта бу воқеа 2002 йилда содир бўлган эди.
ЖЧ-2026 гуруҳ босқичида "пентакампеон"ларга Шотландия, Гаити ва Марокаш рақиблик қилади.
