"Реал" бош мураббийи Альваро Арбелоа матбуот анжуманида ўйинида кескин ўсиш кузатилган ҳужумчи Винисиус Жуниор ҳақида гапирди.

— Винисиус борасида қайси "тугмани" босдингиз?

— Қандайдир тугмани босдимми-йўқми, билмайман. Бу борадаги барча хизмат футболчининг ўзига тегишли — у фантастик, ажойиб ўйинчи. Менинг ягона хизматим, агар у умуман мавжуд бўлса, Винисиусга ишонч ва далда бериш ҳамда жамоадошлари уни ўз кучли томонларини кўрсата оладиган зоналарда қидириб топишига эришишдир. Бу зоналарда у дриблинг ишлатиши, рақибни алдаб ўтиши, "яккама-якка" вазиятлар яратиши мумкин.

Винисиус — ўйин тақдирини ҳал қилувчи, фундаментал футболчи. Мураббий сифатида мен фақатгина у ўзининг энг яхши фазилатларини намоён қила оладиган вазиятларни имкон қадар тез-тез яратиш устида ишлайман. Шунда жамоа яхшироқ ўйнайди ва хавфлироқ бўлади.

Душанба куни "Реал" Ла Лига доирасида "Хетафе"ни қабул қилади.