Англия чемпионатининг 28-туридан сўнг "Вулверхэмптон" турнир жадвалида сўнгги ўринни эгаллаб турибди. Жамоа ҳисобида атиги йигирмата урилган гол бор. Энг яқин рақобатчи — "Ноттингем Форест"да бу кўрсаткич 26 тани ташкил этади. "Сандерленд" 29 та гол урган бўлса, қолган барча жамоалар 30 та ва ундан кўп тўп киритишган.
Қизиғи шундаки, "Вулверхэмптон" таркибида жорий мавсумда ҳали бирорта ҳам камида учта гол урган футболчи йўқ. Бир йўла бир неча ўйинчи ҳисобида иккитадан гол мавжуд. Бу АПЛнинг янги антирекорди ҳисобланади — бундан олдинги ҳолатда (ўтган мавсумдаги "Саутгемптон") бундай вазият 24-тургача давом этган эди.
