Италия чемпионатида 27-тур ўйинлари бўлиб ўтмоқда. "Милан" жамоаси ўртамиёна "Кремонезе"ни мағлуб этишга муваффақ бўлди ва биринчи даврадаги мағлубият учун реванш олди. Ўйиндаги иккинчи голни Рафаэл Леау киритди. У баҳсдан сўнг ўз муваффақиятига изоҳ берди ва мавсумнинг қолган қисмидаги асосий мақсад — Чемпионлар лигаси йўлланмаси эканлигини маълум қилди.
"Биз жуда яхши мавсумни ўтказяпмиз ва мақсадимиз Чемпионлар лигасига қайтиш. Ушбу ўйин бизга муҳим уч очко ва дерби олдидан аъло кайфият тақдим этди. Аммо "Интер" билан ўйин бутунлай бошқача бўлади. Биз тайёргарлик кўрамиз", — дея Леаунинг сўзларидан иқтибос келтирмоқда "pianetamilan.it" нашри.
"Интер" билан ўйин кейинги ҳафта якшанба куни бўлиб ўтади. Шу билан бирга, сешанба куни "Интер" Италия Кубоги ярим финалида "Комо"га қарши майдонга тушиши керак.
