Italiya chempionatida 27-tur o‘yinlari bo‘lib o‘tmoqda. "Milan" jamoasi o‘rtamiyona "Kremoneze"ni mag‘lub etishga muvaffaq bo‘ldi va birinchi davradagi mag‘lubiyat uchun revansh oldi. O‘yindagi ikkinchi golni Rafael Leau kiritdi. U bahsdan so‘ng o‘z muvaffaqiyatiga izoh berdi va mavsumning qolgan qismidagi asosiy maqsad — Chempionlar ligasi yo‘llanmasi ekanligini ma’lum qildi.
"Biz juda yaxshi mavsumni o‘tkazyapmiz va maqsadimiz Chempionlar ligasiga qaytish. Ushbu o‘yin bizga muhim uch ochko va derbi oldidan a’lo kayfiyat taqdim etdi. Ammo "Inter" bilan o‘yin butunlay boshqacha bo‘ladi. Biz tayyorgarlik ko‘ramiz", — deya Leauning so‘zlaridan iqtibos keltirmoqda "pianetamilan.it" nashri.
"Inter" bilan o‘yin keyingi hafta yakshanba kuni bo‘lib o‘tadi. Shu bilan birga, seshanba kuni "Inter" Italiya Kubogi yarim finalida "Komo"ga qarshi maydonga tushishi kerak.
